Brúðkaup - upplýsingar & Verðskrá

Hvernig virkar þetta?

Brúðkaupsdagurinn er einn af mikilvægustu dögum lífsins og því eru minningarnar frá honum ómetanlegar. Hvert brúðkaup er einstakt og við leggjum því mikla áherslu á að kynnast ykkur vel áður en stóri dagurinn rennur upp.

Um sex vikum fyrir brúðkaupið hittumst við á undirbúningsfundi þar sem við förum yfir væntingar ykkar, draumsýn dagsins og hvernig við getum best orðið að liði. Að fundi loknum hefst undirbúningur hjá okkur þar sem við skipuleggjum meðal annars myndastaði, förum yfir tímalínu dagsins og undirbúum allt sem þarf til að tryggja að myndatakan gangi eins vel og mögulegt er.

Á þessum síðustu vikum fyrir brúðkaupið erum við svo í reglulegu sambandi við ykkur eftir þörfum. Sum pör vilja fá meiri ráðgjöf og stuðning á meðan önnur þurfa minna og við aðlögum okkur að því sem hentar hverjum og einum best. Markmið okkar er að þið upplifið öryggi og ró í gegnum allt ferlið.

Við mætum einnig alltaf á brúðkaupsæfinguna. Reynslan hefur sýnt okkur að það margborgar sig. Þó margir geri ráð fyrir að athafnir fylgi ákveðnu formi eru engin tvö brúðkaup eins. Það er margt sem við þurfum að hafa í huga til að tryggja sem bestu myndirnar og því er undirbúningurinn ómetanlegur. Brúðkaupsæfingin gefur okkur jafnframt dýrmætt tækifæri til að hitta ykkur aftur fyrir stóra daginn, styrkja sambandið enn frekar og kynnast foreldrum og nánustu aðstandendum í leiðinni, sem hjálpar til við að skapa enn afslappaðra andrúmsloft á brúðkaupsdaginn.

Af hverju tveir ljósmyndarar?

Í öllum brúðkaupspökkunum okkar eru tveir ljósmyndarar innifaldir án aukakostnaðar. Á brúðkaupsdaginn vinnum við alltaf saman sem teymi. Tína sér um að leiðbeina, stýra myndatökunni og passa að þið upplifið ykkur örugg fyrir framan myndavélina. Á meðan hefur Gunnar svigrúm til að leita að öðrum sjónarhornum og fanga augnablik sem annars gætu farið framhjá.

Það er einmitt þessi samvinna sem gerir okkur kleift að skapa fjölbreyttara myndasafn og segja sögu dagsins frá fleiri sjónarhornum.

Eftir brúðkaupið

Að myndatöku lokinni tekur vinnsla myndanna yfirleitt um þrjár vikur þó afgreiðslutími geti verið örlítið lengri á háannatíma. Þegar myndirnar eru tilbúnar hittumst við aftur þar sem við sýnum ykkur myndasýningu sem útbúin hefur verið sérstaklega fyrir ykkur og göngum frá afhendingu myndanna í einkagalleríi.

Við afhendum alltaf allar þær myndir sem standast okkar gæðakröfur. Við myndun á heilum brúðkaupsdegi eru það yfirleitt á bilinu 500–800 vandlega unnar myndir sem saman segja sögu dagsins frá upphafi til enda. Auk þess er alltaf skemmtilegt að hittast aftur og fara yfir daginn sjálfan.

Það eru sannkölluð forréttindi að fá að taka þátt í svona mikilvægum degi og við leggjum okkur fram um að upplifunin sé ekki síður eftirminnileg en myndirnar sjálfar.

— Tína & Gunnar 🤍📸



Staðfestingagjald fyrir brúðkaupsmyndatökur

Brúðkaupsmyndataka telst ekki bókuð fyrr en kr. 75.000 staðfestingagjald hefur verið greitt en gjaldið gengur upp í myndatökuna sjálfa. Staðfestingargjald er óafturkræft.

Myndatökur utan höfuðborgarsvæðisins

Kílómetragjald reiknast fyrir hvern ekinn kílómetra utan stórhöfuðborgarsvæðisins. Upphæðin ákvarðast útgefinni upphæð af fjármálaráðuneytinu á bókunardegi hverju sinni.