Verðskrá - Brúðkaup

Hvernig virkar þetta svo ?

Brúðkaupsdagurinn er einn af mikilvægustu dögum lífsins og því eru minningar fá deginum ómetanlegar. Hver brúðkaupsmyndataka er einstök, rétt eins og brúðhjónin sjálf og því legg ég alúð mína í að kynnast brúðhjónunum vel nokkru fyrir brúðkaupið og geri ég það með því að hitta þau amk. tvisvar.

-

Þessi fyrri undirbúningsfundur er um þremur mánuðum fyrir brúðkaupsdaginn. Hann er mikilvægur svo ég geri mér grein fyrir þeim væntingum sem brúðhjónin hafa fyrir deginum og hvernig ég get orðið að liði. Að loknum fundinum hefst formlegur undirbúningur hjá mér þar sem ég m.a. finn myndastaði sem passa og endurspegla væntingar og óskir brúðhjónanna. Flestir velja að myndatakan sé utandyra en þó er ég einnig með stúdíó sem og varaplan innandyra ef veður er slæmt. Einnig er hægt að taka myndirnar á öðrum degi þegar betur viðrar ef brúðhjónin vilja frekar. 

-

Um það bil tveim til þremur vikum fyrir brúðkaupsdaginn er seinni undirbúningsfundur þar sem við tökum létta æfingu og förum yfir daginn. Þetta er mikilvægt skref til að losa út mesta stressið og þarna erum við farin að þekkjast nóg til að setja alla okkar athygli í að gera daginn léttari, skemmtilegri og sem eftirminnilegastan. 

-

Að brúðkaupsmyndtöku lokinni tekur afgreiðsla mynda um það bil 3 vikur en gæti dregist sé brúðkaupið á háannatíma. Fjöldi afhentra mynda fer eftir því hvaða pakki er tekinn og hvort ég sé ein að mynda, eða með aukaljósmyndara. Gera má ráð fyrir að fjöldi mynda fyrir t.d. Brúðkaupspakka 4 sé á bilinu 2-300 stk. 

-

Afhending myndanna fer fram hér á heimasíðunni á lokuðu svæði þar sem brúðhjónin geta skoðað myndirnar, óskað eftir léttum lagfæringum og valið sínar uppáhalds myndir. Að myndvinnslu lokinni fá brúðhjónin aðgang til að hlaða niður myndunum auk þess sem ég hanna myndabókina í samráði við brúðhjónin.

Staðfestingagjald fyrir brúðkaupsmyndatökur

Brúðkaupsmyndataka telst ekki bókuð fyrr en 50.000 kr staðfestingagjald hefur verið greitt en gjaldið gengur upp í myndatökuna sjálfa. Staðfestingargjald er óafturkræft.

Verðskrá - Ungbarnamyndatökur

Smáa en læsilega letrið

Verðskráin

Verðin og pakkarnir, sem og lýsingar á þeim, geta tekið breytingum án fyrirvara og eru birt með fyrirvara um innsláttarvillur.

Barna- og fjölskyldumyndataka

Verð miðast við allt að 3 börn og er foreldrum velkomið að vera með á einhverjum myndanna án aukagjalds. 

Fermingar- og útskriftarmyndataka

Ekki er í boði að taka myndir af neinum öðrum einum nema af fermingabarninu/útskrifarnemanum en systkinum og foreldrum er velkomið að vera með á einhverjum myndanna án aukagjalds.

Staðfestingagjald fyrir allar myndatökur nema brúðkaupsmyndatökur

Til þess að bóka tíma þarf að greiða 7.000 kr. staðfestingargjald sem fer upp í kostnað myndatökunnar. Staðfestingargjald er óafturkræft.